రామ్ చరణ్ హీరోగా వినాయక్ తెరకెక్కిస్తోన్న 'నాయక్ ' సినిమా ఫస్ట్ లుక్ కొద్ది సేపటి క్రితం వెలువడింది. తొలి పోస్టర్ బయటకు వచ్చింది మొదలు నాయక్ సోషల్ నెట్ వర్క్స్ లో హల్ చల్ చేస్తున్నాడు. ద లీడర్ ట్యాగ్ లైన్ తో వచ్చిన ఈ పోస్టర్ అందరినీ ఆకర్షిస్తోంది.
కాగా, ఈ సినిమాను జనవరి 9 న ప్రపంచ వ్యాప్తంగా విడుదల చేయడానికి సన్నాహాలు చేస్తున్నారు. చిత్ర నిర్మాత డీవీవీ దానయ్య ఈ మూవీ గురించి ఏమంటున్నారంటే.. తాము అనుకున్న ప్రకారం ఈ సినిమా నిర్మాణాన్ని సకాలంలో పూర్తి చేస్తూ వస్తున్నామని చెప్పారు.
విభిన్నమైన పాత్రలో చరణ్ నటించిన తీరు ... దర్శకుడిగా వినాయక్ టేకింగ్ ఈ సినిమాకి ప్రధాన ఆకర్షణగా నిలుస్తాయని అన్నారు. ఇక కాజల్ ... అమలాపాల్ అందచందాలు, వాళ్ల పాత్రలను మలచిన విధానం ప్రేక్షకులను ఎంతగానో అలరిస్తాయని చెప్పారు.
తమన్ సంగీతాన్ని సమకూర్చుకున్న 'నాయక్ ' సినిమా డిసెంబరు రెండవ వారంలో ఆడియోను ... సంక్రాంతి కానుకగా జనవరి 9 న సినిమాను విడుదల చేయబోతున్నారు.
...avnk
