Telugu Film Eega Be Screened At Cannes
కేన్స్ ఫెస్టివెల్ కి ‘ఈగ ’
కేన్స్ ఫెస్టివెల్ కి ‘ఈగ ’
ప్రముఖ
దర్శకుడు రాజమౌళి దర్శకత్వం వహించిన ఈగ సినిమా తెలుగులోనే కాకుండా మిగతా
భాషల్లో కూడా ఘన విజయం సాధించిన విషయం తెలిసిందే. ఈ సినిమాకు ఇప్పటికే
నేషనల్ ఫిలిం ఫెస్టివల్ లో ఉత్తమ ప్రాంతీయ చిత్ర అవార్డుతో పాటు విజువల్
ఎఫెక్టు విభాగంలో పలు అవార్డులు దక్కించుకుంది. దీంతో ఆగకుండా ఎగురుకుంటూ
పోయి అంతర్జాతీయ కేన్స్ ఫిల్మ్ ఫెస్టివల్ లో ఈగ సినిమా కూడా వాలనుంది. ఈ చిత్రాన్ని
త్వరలో జరగబోయే కేన్స్ లో ప్రదర్శించేందుకు ఎంపిక చేశారు.
ఈ విషయాన్ని శోభు
యార్లగడ్డ ట్విట్టర్ ద్వారా తెలిపారు. ‘ఈగ ’ చిత్రంతో పాటు, ‘బహుబలి ’
చిత్రానికి సంబంధించిన కొన్ని అంశాలను కూడా కేన్స్ ప్రదర్శించబోతున్నాం అని
తెలిపాడు. ఒక తెలుగు సినిమా తొలిసారిగా కేన్స్ కు వెళ్లబోతుంది. నాని,
సమంత, సుదీప్ ప్రధాన పాత్ర ధారులుగా రాజమౌళి దర్శకత్వంలో సాయి కొర్రాపాటి
నిర్మించిన ఈ చిత్రం మంచి కలెక్షన్స్ సాధించిన సంగతి తెలిసిందే.
