Bolo Bolo Remix Song In Evadu Movie

       ఇంతకుముందెన్నడూ లేనంత వెరైటీ స్టైల్లో  చరణ్ ‘ఎవడు’ సినిమాని తీర్చిదిద్దుతున్నానని చెబుతోన్న వంశీపైడిపల్లి సెంటిమెంట్ ను మాత్రం అధిగమించలేకపోతున్నాడు. ఫలితంగా ‘ఎవడు’ సినిమాలో చరణ్, తన ఇంతకు మునపటి సినిమాల్లాగే మరోసారి  తన తండ్రి  పాటకు స్టెప్పులేయబోతున్నాడు. చిరంజీవి నటించిన సూపర్ హిట్ సినిమా 'రౌడీఅల్లుడు' లోని 'బోలో బోలో బోలో రాణి... క్యా చాహియే' పాటను ఈ సినిమా కోసం ఎంపిక చేసుకున్నారు.       

          బొంబాయి ఆటోవాలాగా చిరంజీవి నటించిన 'రౌడీ అల్లుడు' లోని ఈ పాటలో ఆయన చేసిన డ్యాన్స్ అప్పట్లో అభిమానులను ఉర్రూతలూగించింది. అదే పాటను 'ఎవడు'కు రీమిక్స్ చేస్తుండడం అభిమానులకు మరింత ఊపునిచ్చే వార్తే. కాగా, చిరంజీవి రీమిక్స్ పాటలతో తీసిన ఆయా సినిమాలు చరణ్ కు ఘనవిజయాన్నిచ్చాయి.
       సెంటిమెంట్ కు ఊతమిస్తూ ఒక్క ‘ఆరెంజ్’ చిత్రం,  మినహా చరణ్ తన ప్రతి సినిమాలోనూ తండ్రి చిరంజీవి హిట్ పాటను రీమిక్స్ సంప్రదాయాన్ని కొనసాగిస్తున్నాడు. తండ్రి పాటను రీమిక్స్ చేయని ‘ఆరంజ్’ చిత్రం మాత్రం అట్టర్ ప్లాప్ అయిన సంగతి ఇక్కడ గమనార్హం.

..avnk

Prayamani Item Number In Sharukh Movie

 

       తన అద్భుతమైన నటనాపటిమతో టైటిల్ లీడ్ రోల్స్ చేస్తోన్న అందాలతార ప్రియమణి మరోసారి బాలీవుడ్ తెరపై ప్రత్యక్షం కానుంది. బాలీవుడ్ సూపర్‌స్టార్ షారూఖ్‌ఖాన్ సరసన హాట్ హాట్ ఐటెం చేయబోతోందీ అమ్మడు.  షారూఖ్‌ నటిస్తున్న తాజా చిత్రం ‘చెన్నై ఎక్స్‌ ప్రెస్’లో షారూఖ్‌ఖాన్‌ తో కలిసి ప్రియమణి హాట్ హాట్ ఐటెం చిందేంయబోతోంది. ముంబయ్ నుంచి రామేశ్వరం వెళ్తున్న కథానాయకుడికి  మార్గమధ్యంలో ప్రియ తారసపడి తన ఒంపుసొంపులు ఒలకబోస్తుంది.
        కాగా,  కేవలం నాలుగు నిమిషాల ఈ పాట కోసం ప్రియమణి 30 లక్షల రూపాయలు తీసుకుంటున్నట్టు సమాచారం. అంటే ఓ సినిమాకు ఈ అమ్మడికి ఎంత ఇస్తున్నారో అంతే మొత్తాన్ని ఒక్క పాటకు తీసుకోనుందన్నమాట. దీపికా పదుకునే హీరోయిన్‌గా నటిస్తున్న ఈ చిత్రంలో మొదట షారూఖ్‌ఖాన్‌తో నయనతారను ఐటమ్‌సాంగ్‌లో నటింప చేసే ప్రయత్నాలు జరిగాయి. నయనతార నిరాకరించడంతో ఇప్పుడు ప్రియమణిని ఎంపిక చేశారు.  
        ఒకవైపు షారూఖ్ తో బాలీవుడ్ లో అవకాశం.. మరోవైపు బంపరాఫర్... ఏమైనా ప్రియమణికి ప్రజంట్ డేస్ బాగున్నట్టున్నాయి. తెలుగులో కూడా వరుసపెట్టి సినిమాలు వచ్చేస్తున్నాయి కూడా కదా.. అన్నట్టు ఈ ముద్దుగుమ్మ ఇంతకుముందు రావణ్ చిత్రం ద్వారా బాలీవుడ్‌కు పరిచయం అయ్యింది. 

...avnk

Balayya Own Direction

 

 

       నందమూరి నటసింహం..  బాలకృష్ణ తెలుగుతెరమీద ఓ సరికొత్త సంచలనానికి శ్రీకారం చుడుతున్నాడు.  ఓ హాలీవుడ్ యానిమేషన్ చిత్రం ఆధారంగా రూపొందనున్న సినిమాలో నటించటమే కాదు.. ఏకంగా దర్శకత్వ బాధ్యతలు తీసుకోబోతున్నాడు. 'ది లయన్ కింగ్' అనే  హాలీవుడ్ మూవీ 1994లో విడుదలై ఘనవిజయం సాధించింది. ఈ సినిమాలో బాలకృష్ణ మహారాజు పాత్రలోనూ, ఆయనకు జోడీగా నయనతార మహారాణి గానూ కనిపించనుంది. యలమంచిలి సాయిబాబు నిర్మాతగా వ్యవహరిస్తున్న ఈ సినిమా 30 కోట్ల రూపాయల బడ్జెట్ తో రూపొందనుంది. 'శ్రీ రామరాజ్యం' సినిమాను కూడా యలమంచిలి సాయిబాబే  నిర్మించిన సంగతి మనకెరుకే.
  

    స్వయంగా నటసింహమే దర్శకత్వ భాద్యతలు చేపట్టడం ఈ సినిమాకే హైలెట్. గతంలో బాలకృష్ణ 'నర్తనశాల'తో దర్శకుడిగా అరంగేట్రం చేయాలనుకున్నారు. అయితే అందులో ప్రధాన పాత్రధారైన సౌందర్య హెలికాప్టర్ ప్రమాదంలో మరణించడంతో ఆ సినిమా ఆగిపోయింది. +

      కాగా, టాలీవుడ్ లో విస్త్రుత స్థాయి చర్చకు తావిస్తోన్న ఈ భారీ మూవీ  జూన్ 10 వ తేదీ అంటే బాలయ్యబాబు జన్మదినం రోజున ఈ చిత్రం షూటింగు ప్రారంభంకాబోతోంది.

...avnk

Ramgopal Varma India Pai Dhadi

...avnk

Hero Siddarth In NTR Baadsha Movie

      యంగ్ టైగర్ మూవీ బాద్ షా పలు అంశాల ప్రాతిపదికన తరచూ వార్తల్లో నిలుస్తూ హల్ చల్ స్రుష్టిస్తోంది. క్రియేటివ్ డైరెక్టర్ శ్రీనువైట్ల దర్శకత్వంలో యన్టీఆర్‌ హీరోగా భారీ బడ్జెట్‌తో తెరకెక్కుతున్న ఈమూవీలో  హీరో నవదీప్‌ నెగెటివ్‌ రోల్‌ పోషిస్తున్న సంగతి తెలిసిందే. ఈ సినిమాకు సంబంధించిన మరో ఆసక్తికరమైన వార్త ఏంటంటే,  హీరో సిద్ధార్థ్‌ కూడా ఈ సినిమాలో ఓ కీలక పాత్రలో కనిపించనున్నాడని సమాచారం. తెలుగు  మూవీ యువ హీరోలు ఇటీవల కొంతకాలంగా, అతిథి పాత్రల్లో కనిపించడానికి ముందుకు రావటం శుభపరిణామం. ఇదే కోవలో  'ఎవడు'లో అల్లు అర్జున్‌ గెస్ట్ రోల్ పోషిస్తుండగా,  తులసిలో ఎన్టీఆర్‌ స్టెప్పులేసి అలరించిన సంగతి ఇక్కడ గమనార్హం.
          కాగా, బండ్ల గణేష్‌ ఖర్చుకు వెనకాడక నిర్మిస్తున్న 'బాద్‌షా'లో కాజల్‌ కథానాయికగా నటిస్తోంది. థమన్‌ స్వరాలిస్తున్నాడు.

...avnk

Maehsh Dream Project

       ప్రస్తుతం టాలీవుడ్ లో యమ దూకుడు ప్రదర్శిస్తోన్న హీరో ప్రిన్స్ నుంచి సూపర్ స్టార్ గా ఎదిగిన మహేష్ బాబు. ఇప్పటివరకూ ఏ తరహా పాత్ర పోషించినా.... అందులో ఎంచక్కా ఒదిగిపోయే మహేష్ చేయాలనుకుంటున్న పాత్ర ఒకటుంది. అదే గతంలో తన తండ్రి సూపర్‌స్టార్‌ కృష్ణ 'గూఢచారి 116' సినిమాలో పోషించిన పాత్ర.

        అయితే, దీనికి మంచి కథ, దానిని అదే స్థాయిలో తెరకెక్కించగలిగే దర్శకుడు కుదరాలి. అవన్నీ కుదిరినప్పుడు నేను తప్పకుండా స్పైక్యారెక్టర్‌ చేస్తానంటున్నాడు మహేష్‌ . మరి మహేష్‌ ఇంత చక్కటి ఓపెన్‌ ఆఫర్‌ ఇచ్చినప్పుడు, మన యువ దర్శకులు కథలు సిద్ధం చేసుకుని ఆయనని సంప్రదించడమే ఇక తరువాయి కదా.. ఇదిలా ఉంచితే.. అప్పుడే మహేష్ మనసెరిగిన ఓ ప్రముఖ దర్శకుడు దీనికి సంబంధించిన స్ర్కిప్ట్ సిద్ధం చేస్తున్నట్టు వినికిడి.

     మరోవైపు..  రాజమౌళి దర్శకత్వంలో తాను నటించనున్నట్టు మహేష్ బాబు స్వయంగా ప్రకటించాడు. అయితే, ఇది కార్యరూపం దాల్చడానికి మరికొంత సమయం పట్టే అవకాశం కనిపిస్తోంది. ఈ సినిమాకు సంబంధించిన కథ గురించి ఇప్పటికే తాము మాట్లాడుకున్నామని మహేష్ వెల్లడించారు అంతేకాదు ప్రస్తుతం తాను సుకుమార్ దర్శకత్వంలో నటిస్తున్న చిత్రం జూన్ లో విడుదలవుతుందనీ.. శ్రీను వైట్లతో చేసే 'ఆగడు' సినిమా మార్చి నెలలో మొదలవుతుందనీ మహేష్ చెప్పారు.

       కాగా, వీటి తర్వాత క్రిష్, వంశీ పైడిపల్లి, పూరీ జగన్నాథ్ సినిమాల్లో మహేష్ నటిస్తారు. ఆ పైనే రాజమౌళి సినిమా ఉంటుందనీ సమాచారం.

...avnk

Mr Pellikoduku Audio Review

      కామెడీ నుంచి హీరోగా టర్న్ తీసుకుని దూసుకుపోతోన్న సునీల్‌ - ఇషాచావ్లా జంటగా మెగా సూపర్‌గుడ్‌ ఫిలిమ్స్‌ పై.లిమిటెడ్‌ నిర్మిస్తున్న చిత్రం 'మిష్టర్‌ పెళ్లికొడుకు'.  ఎన్‌.వి.ప్రసాద్‌, పారస్‌జైన్‌ నిర్మాతలు. ఆర్‌.బి.చౌదరి సమర్పిస్తున్నారు. దేవిప్రసాద్‌ దర్శకత్వం వహిస్తున్నారు. ఈ చిత్రంలోని పాటలు హైదరాబాద్‌లో విడుదలయ్యాయి. నాగచైతన్య సీడీలోగోను విడుదల చేశారు. ఆడియో సిడీలను వి.వి.వినాయక్‌ ఆవిష్కరించి తమన్న, నాగచైతన్యకు అందజేశారు. ఈ సందర్భంగా డైరెక్టర్ దేవిప్రసాద్‌ ఆసక్తికర విషయాలు చెప్పారు: ‘సౌత్‌ ఇండియాలో అగ్ర నిర్మాణ సంస్థ సూపర్‌గుడ్‌ ఫిలిమ్స్‌. ఇక్కడ ఎంతోమంది గొప్ప టెక్నీషియన్లు పనిచేశారు. అలాంటి గొప్ప చరిత్ర ఉన్న సూపర్‌గుడ్‌ పతాకంలో నేను సినిమా చేయడం ఆనందంగా ఉంది. ఈ బ్యానర్‌లో నేను 'నువ్వువస్తావని' సినిమాకు కో-డైరెక్టర్‌గా పనిచేశాను. ఈ సినిమాకి సంబంధించి మార్కులు వేయాల్సి వస్తే ఫస్ట్‌ మార్కు సునీల్‌ డ్యాన్స్‌ కి పడతాయి. తొలి ప్రేక్షకుడిగా నేను సునీల్‌ డ్యాన్సులను, పాటలను చాలా ఎంజాయ్ చేశాను. ఎస్‌.ఎ.రాజ్‌కుమార్‌తో గతంలో నేను 'లీలామహల్‌ సెంటర్‌'కు పనిచేశాను. ఆయనకు నేను పెద్ద అభిమానిని. యూత్‌తో పోటీపడాలని ఈ ట్రెండీ మ్యూజిక్‌ ఇచ్చారు. ఫొటోగ్రఫీ అద్భుతంగా ఉంటుంది. దర్శకుడిగా ప్రేక్షకులు ఎన్ని మార్కులు వేసినా నేను ఆనందంగా స్వీకరిస్తాను. 'తను వెడ్స్‌ మను' సునీల్‌తో ఎలా తీస్తారు అని చాలా మందికి సందేహం కలిగింది. అది మల్టీప్లెక్స్‌ మూవీ కదా అని అన్నవారు కూడా ఉన్నారు. ఈ సినిమాను చూస్తే ఆ అభిప్రాయం పూర్తిగా మారిపోతుంది. మేకింగ్‌పరంగా నిర్మాతలు తమ సత్తాను మరోసారి చూపారు. వాకాడ అప్పారావుగారు లేకుంటే ఈ సినిమానే లేదు. ఆయన ఈ సంస్థకు వెన్నెముక’ అని వెల్లడించారు.

         వి.వి.వినాయక్‌ మాట్లాడుతూ ‘కోడి రామకృష్ణ దగ్గరదేవి, సాగర్‌గారి దగ్గర నేను పనిచేసేవాళ్లం. అప్పటి నుంచి మేం ఫ్రెండ్స్‌. ఈ సినిమా హిట్‌ కావాలి. కష్టానికి ఓ రూపం ఇవ్వాల్సి వస్తే సునీల్‌ బొమ్మను పెడితే సరిపోతుంది. ఈ షేప్‌కి రావడానికి తను ఎంతటి నరకం అనుభవించాడో అర్థమవుతోంది. హ్యాట్సాఫ్‌ టు హిమ్’ అన్నారు.

      హీరో సునీల్‌ మాట్లాడుతూ ‘మిస్టర్‌పెళ్లికొడుకు అని పేరు పెట్టి హీరోని కామ్‌గా ఉండమన్నారు. అందాలరాముడు ఆర్తి పాత్రలాగే, ఇందులో ఇషా పాత్ర ఉంటుంది. నల్లమలుపు బుజ్జి చెప్పాడని ఈ సినిమా చూసి చేయడానికి ఒప్పుకున్నాను. మన కల్చర్‌కాని సబ్జెక్ట్‌ను మన కల్చర్‌లో ఒదిగిపోయేటట్టు చేసి సినిమా తీసిన దర్శకుడికి 100శాతం క్రెడిట్‌ దక్కుతుంది. అంతా ఈ సినిమాని ఆదరించాలని కోరుకుంటున్నారు’. అని కాంక్షించారు.

...avnk