Chiranjeevi Appreciate Minugurulu Movie

       

     విభిన్న కథాంశంతో తెరకెక్కిన సందేశాత్మక చిత్రం ‘మిణుగురులు’. ఈ చిత్రాన్ని చూసిన మెగాస్టార్ చిరంజీవి ప్రసంశలతో ముంచెత్తారు. సినిమా ఆద్యంతం హృదయానికి హత్తుకునే విధంగా ఉందని, అంథ బాలలచే చక్కని కథ, కథనాలతో దర్శకుడు అయోధ్యకుమార్ ప్రేక్షకుల హృదయాలను హత్తుకునే విధంగా రూపొందించారని చిరు ప్రశంసించారు. అంతేకాదు.. ఇటువంటి చిత్రాలు చాలా అరుదుగా వస్తాయన్నారు.

       అయోధ్యకుమార్ కృష్ణంరెడ్డి స్వీయ దర్శకత్వంలో ఆయనే నిర్మాతగా ‘రెస్‌ఫెక్ట్ క్రియేషన్స్’ బ్యానర్‌లో నిర్మించిన ఈ సినిమాని కేంద్ర మంత్రి చిరంజీవి ప్రసాద్ ల్యాబ్స్ ప్రివ్యూ థియేటర్‌లో రెండుగంటలసేపు చూశారు. మరో కేంద్ర మంత్రి కిల్లి కృష్ణారాణి కూడా సినిమాచూసి చిత్రవర్గాన్ని అభినందించారు. హీరోగా నటించిన మాస్టర్ దీపక్ చాలా బాగాచేశాడని కితాబిచ్చారు.

      అయోధ్యకుమార్ మాట్లాడుతూ ‘మా చిత్రాన్ని చూడ్డానికి, మాకు ఉత్సాహాన్ని కలిగించడానికి మెగాస్టార్ రావడం సంతోషంగా ఉందని, ఈ చిత్రాన్ని అందరికీ నచ్చే విధంగా, అందరూ మెచ్చే విధంగా రూపొందించడం జరిగిందని అన్నారు.        

        దీపక్, సుహాసిని మణిరత్నం, అశిష్ విద్యార్థి, రఘువీర్ యాదవ్ ముఖ్యతారాగణం.

...avnk

KCR Focus Tollywood Actress Anushka

        టీఆర్ఎస్ అధినేత కే. చంద్రశేఖరరావు  రాబోయే  ఎన్నికలను ద్రుష్టిలో పెట్టుకొని కొత్త పావులు కదుపుతున్నారు.  అయితే టీఆర్ఎస్ పార్టీలోకి కొంత మంది రాజకీయ నాయకులు చేరటంతో  పార్టీ వర్గాలు ఆనందంగా ఉన్నా, కేసిఆర్ మాత్రం పార్టీ నుండి వారిపై ద్రుష్టి పెట్టినట్లు తెలుస్తుంది.  ఇప్పటికే  తెలంగాణ రాములమ్మ లో టీఆర్ఎస్ పార్టీ  అటూ ఇటూ ఊగుతూ అడుగులు వేస్తున్న విషయం కేసిఆర్ కు తెలుసు. రాములమ్మ పార్టీ దూరం అయితే  వచ్చే నష్టం కూడా ముందే పసిగట్టాడు కేసిఆర్. అందుకోసం చెల్లెమ్మ వెళ్లిపోతే .. ఆ స్థానంలో  మరో సినీ గ్లామర్ ఉన్న హీరోయిన్ కోసం  కేసిఆర్ ఫిలింనగర్లో తిరుగుతున్నట్లు పుకార్లు వినిపిస్తున్నాయి.   ఇప్పటికే రాములమ్మ గులాబీలపై మోజు పోవటంతో.. కమలం పై కన్నుపడినట్లు తెలుస్తోంది.  మెదక్ జిల్లా ఎంపీ విజయశాంతి కి టీఆర్ఎస్ పార్టీ వల్ల పెద్ద ఒరిగింది ఏం లేదని ఆమె తన సన్నిహితులు వద్ద చెబుతున్నట్లు సమాచారం.  రాములమ్మ కమలనాధులతో కలిసి రహస్య పార్టీలకు హజరవుతున్నట్లు  కేసిఆర్ కు తెలియటంతో.. ముందు జాగ్రత్తగా  రాములమ్మకు పోటీగా ఉంటే  సినీ గ్లామర్  రుద్రమదేవి మీద మనసు నిలిపినట్లు టీఆర్ఎస్ వర్గాలు అంటున్నాయి. విజయశాంతి  ఓసేయ్ రాములమ్మ సినిమా తీసి  తెలంగాణ ప్రజలకు దగ్గరైనట్లే  ఇప్పుడు టాలీవుడ్  టాప్ హీరోయిన్  అయిన  అందాల అనుష్క కోసం కేసిఆర్ రాజకీయ ప్లాన్ వేస్తున్నట్లు ఆ పార్టీ రాజకీయ నాయకులు అంటున్నారు. 

  అనుష్కది తెలంగాణ ప్రాంతం కాకపోయిన, ఆమె నటిస్తున్న ‘రుద్రమదేవి’  సినిమా  తెలంగాణ ప్రజలకు , కాకతీయ వంశానికి చెందటంతో అనుష్క కోసం కేసిఆర్ పావులు కదుపుతున్నారు.  ఆ సినిమా ఇప్పడు షూటింగు జరుగుతుంది. ఆ సినిమా విడుదలయ్యేనాటికి  రాష్ట్రం ఎన్నికల వాతవరణం వస్తుంది కాబట్టి,  రుద్రమదేవిని  తెలంగాణ ప్రజలకు పరిచయం చేయాలనే ఉద్దేశంతో కేసిఆర్ ఇప్పటి నుంచి  గులాబీలు  తయారు చేస్తున్నాడనే పుకార్లు వినిపిస్తున్నాయి. అన్నీ రాజకీయ పార్టీల్లోను  సినీ గ్లామర్ పుష్కలంగా ఉన్న విషయం తెలిసిందే.  కాంగ్రెస్ పార్టీలో  మెగా గ్లామర్, టీడీపీలో  నందమూరి వారి గ్లామర్, ఇక రీసెంట్ గా వచ్చిన  వైకాపా పార్టీలో  అక్కినేని, ఘట్టంనేని, దర్శకులతో  సీని గ్లామర్ నిండిపోయింది.  ఇక మిలిగింది టీఆర్ఎస్ పార్టీ. ఇప్పటికి వరకు రామలమ్మ గ్లామర్ తో  చెల్లెమ్మ అనే బిరుదుతో  కేసిఆర్ నెట్టాకొచ్చారు. కానీ ఇక నుండి అలా రాములమ్మ వెళ్లిపోతే  సినీ గ్లామర్ లేని పార్టీ గా మిలిగిపోతుందన భావించి  ముందుగా  రుద్రమదేవికి  గులాబీల తీవాచీ పరుస్తున్నట్లు టీఆర్ఎస్ వర్గాలు అంటున్నాయి. ఇంతకీ అనుష్క కేసిఆర్ ఇచ్చే గులాబీలు తీసుకుంటుందో..లేక ఆయన చేవిలో ఆ గులాబీలు పెడుతుందో చూడాలి. కేసిఆర్ మాత్రం బొమ్మాళీ నిన్ను వదల అంటూ వెంటపడి సాధిస్తాడో  చూడాలి...

Chiranjeevi At Nayak Movie Sets

   మెగా పవర్ స్టార్ రామ్ చరణ్ , వివివినాయక్  దర్శకత్వంలో షూటింగ్ జరుపుకోని ఇటీవల  భారీ ఎత్తున్న  ఆడియో రిలీజ్ చేసిన విషయం తెలిసిందే. అయితే నాయక్  సినిమా లో  మంచి మాస్ పాట కోసం  సాక్కుబాయ్ ఒక పాటను  చిత్రీకరిస్తున్నారు.  డమరూకం సినిమాలో  నాగార్జునతో  ఐటమ్ సాంగ్ లో కనిపించిన  సాక్కుబాయ్ గరం చాయ్ అంటే  అందరికి వేడిపుట్టించిన హీరోయిన్ చార్మి. ఇప్పుడు నాయక్ సినిమాలో కూడా  ఒక గరం గరం పాట కోసం  దర్శకుడు ప్లాన్ చేసినట్లు తెలుస్తోంది. అయితే ఈ పాటలో షూటింగ్ జరుగుతున్న సమయంలో  కేంద్ర మంత్రి, మెగా స్టార్  చిరంజీవి షూటింగ్ షెట్ లోకి వెళ్లినట్లు తెలుస్తోంది.  షూటింగ్ లో సన్నివేశాలను  చిరంజీవి పరిశీలించినట్లు సినిమా యూనిట్ సభ్యుల టాక్.

అయితే  దర్శకుడు వివివినాయక్ , మెగా స్టార్ చిరంజీవి తో చాలా సేపు మాట్లాడుకోవటం జరిగిందని  యూనిట్ సభ్యులు అంటున్నారు. అయితే  ఈ సందర్భంలోనే   నటి ఛార్మి  పుల్ మేకప్ తో సెట్ రావటంతో  అందరి చూపులు ఛార్మిపైపడ్డాయట.  అయితే  సెట్ లో చిరంజీవి ఉన్న విషయం తెలుసుకోని  వెంటనే ఛార్మి  చిరంజీవికి నమస్కారించి తన పక్కన కూర్చిలో కూర్చోటం జరిగినట్లు చిత్ర యూనిట్ సభ్యులు చెబుతున్నారు.  అయితే ఆ సమయంలో  చిరంజీవి, ఛార్మిల మద్య హాస్యంతో  కూడిన మాటల సంభాషణ జరిగినట్లు తెలుస్తోంది. ఆ సందర్భంలో  చార్మి చిరంజీవిని  ఒక కోరిక కోరినట్లు గుసగుసలు వినిపిస్తున్నాయి.  

ఆ కోరిక ఏమిటయ్య అంటే.. చిరంజీవి 150వ చిత్రం  వివివినాయక్ దర్శకత్వలోనే చార్మిహీరోయిన్ సినిమాలో ఛాన్స్ ఇవ్వమని అడిగినట్లు యూనిట్ సభ్యులు  అంటున్నారు.  చార్మి కోరికను విన్న మెగా స్టార్  చిరంజీవి  ఆనందంగా నవ్వుతూ ఆమె భూజం మీద చేయి వేసి  అలాగే చేద్దాం అని చెప్పినట్లు చిత్ర యూనిట్ సభ్యులు చేవులుకోర్కుకున్నారు.  చిరు చేయి  చార్మి పై పడిన వెంటనే ఆమె లో  150 మెగా పవర్  తాకిన ఆనందంలో  లేచి నిలబడి  తన డ్రెస్సెను సరిచేసుకున్నట్లు యూనిట్ సభ్యులు చెబుతున్నారు. నాయక్ సినిమాలో  కూడా ఐటమ్ సాంగ్ హిట్ అయితే మాత్రం చార్మి ఐటమ్ గాళ్ల్ టాలీవుడ్ లో  ఉంటుందని  ఫిలింనగర్ ప్రజలు  అనుకుంటున్నారు.

Bindu Madhavi Movie Updates

       

              బిందుమాధవి.. అదేనండీ.. 'ఆవకాయ్ బిర్యాని' తో తెలుగు ప్రేక్షకులకు ఘుమ ఘుమలందించిన చిన్నది. ఇప్పుడు బిత్తరపోయిందంట.. ఏసందర్భంలో అనుకుంటున్నారా.. గతంలో విజయ కాంత్ హీరోగా చేసిన సూపర్ హిట్ 'సట్టం ఒరు ఇరుట్టరై' మూవీని  ఇటీవల హీరో విజయ్ తన సొంత బ్యానర్లో రీమేక్ చేశాడు. అయితే ఈ సినిమాలో ఆయన నటించలేదు. తమన్ కుమార్, బిందుమాధవి, రీమాసేన్, పియా బాజ్ పేయి  పాత్రలు పోషిస్తున్నారు.
       ఈ సినిమాకి సంబంధించి ఓ పాటను బిందుమాధవి పై చిత్రీకరిస్తూ వుండగా, అక్కడికి హీరో విజయ్ వచ్చాడట. అతను మంచి డాన్సర్ కావడంతో విజయ్ వెళ్లిపోయాక డాన్స్ చేస్తానంటూ బిందు మొండికేసిందట. విషయం తెలుసుకున్న విజయ్,  ఆమె డాన్స్ చూసే వెళతానని మొరాయించాడట. దాంతో బిందు మాధవికి ఆయన ఎదుట స్టెప్పులు వేయక తప్పలేదు. అయితే ఆమె పాట చిత్రీకరణ పూర్తయ్యాక, చాలా బాగా చేశావంటూ విజయ్ ఆమెను అభినందించాడట. ఈ విషయన్ని ట్వీటిచ్చి మరీ సంబరపడిపోతుంది బిందు.

        ఈ సంగతిలా ఉంటే, ఈ చిత్ర షూటింగ్ హాంకాంగ్ లో జరుగుతున్నప్పుడు హెలికాప్టర్ సన్నివేశాలు చిత్రీకరిస్తుండగా, బిందుమాధవి, మరో నటి పియా బాజ్ పాయ్.. చాపర్ నుంచి జారి కింద పడిపోవడంతో వీరిద్దరికీ దెబ్బలు తగలటంతో షూటింగ్ కు అంతరాయం ఏర్పడి మళ్లీ ఇప్పడు జోరందుకుంది. అంతేకాదు ఈ చిత్రం అనుకున్నప్పటి నుంచీ బిందు ఏదో ప్రమాదంలో పడుతుండటం గమనార్హం. సెప్పెంబర్ మొదటి వారంలో బిందు మాధవి తమిళనాడులోని తిరుచునాపల్లి వద్ద జరిగిన రోడ్డు ప్రమాదంలో ప్రాణాపాయం నుంచి త్రుటిలో తప్పించుకుని బయటపడింది.

Dasari Narayana Rao Sensational Comments

  చిరంజీవి నా బిడ్డ లాంటివాడు ,  మా ఇద్దరికీ గొడవలున్నాయనే రీతిలో మా మధ్య వర్గ పోరాటం  ఉన్నట్టుగా  మీడియా వారు చిత్రికరిస్తున్నారని ప్రముఖ దర్శకుడు  దాసరి నారాయణ రావు అన్నారు.   అయితే నా దగ్గర ఎంతో  మంది సాయం పొందారు. వారికి అది గుర్తులేక .. ఫంక్షన్లకు  దాసరి వస్తే  నేను లేవాలా?  అంటున్నారు.  నాతో చాలెంజ్ చేసి మాట్లాడే స్టార్స్  వచ్చారు.  నా ఇంటి చుట్టూ సైకిల్  వేసుకుని  తిరిగిన వారిని నేను మర్చిపోలేదు.   ఎండుగడ్డి  ఉన్న స్టూడియోలో  పచ్చగడ్డిని  మొలిపిస్తే  అక్కడి నుంచి  నన్ను బయటకు గెంటారు.  ఆ విషయాన్ని  నా ఆత్మకథలో  రాయాలా వద్దా?  ఐదేళ్ల నుంచి  ఆత్మకథ రాసే ప్రయత్నం  జరుగుతోంది.  ఎవరినీ నొప్పించకుండా ఆత్మకథ రాస్తా.  ఆత్మ కోసం 6400 ఫొటోలను  సేకరించాను  అని దాసరి  నారాయణరావు చెప్పారు  నిన్న ఒక పుస్తక ఆవిష్కరణలో  ఆయన చిత్రపరిశ్రమపై కొన్ని వ్యాఖ్యలు చేసిన విషయం తెలిసిందే. అయితే  ఆయన చేసిన వ్యాఖ్యలు కొంత మంది సినీ నటులకు ఆగ్రహం తెప్పించే విధంగా ఉన్నట్లు తెలుస్తోంది.  ఎందరో సూపర్ స్టార్లు  అమితాబ్, సల్మాన్ ఖాన్, మోహన్ లాల్  లాంటి వారు కూడా  రజనీకాంత్ సూపర్ స్టార్ అని  కితాబు ఇచ్చిన విషయం తెలిసిందే. అయితే తెలుగులో  ఎన్టీఆర్  , తమిళ్ లో  ఎంజీఆర్ , కన్నడంలో రాజ్ కుమార్  వంటి వారందరూ  అంతే.   సూపర్ స్టార్ కన్నా గొప్పవాళ్లు  ఎవరు ఉండని దాసరి అన్నారు.  అయితే రజనీకాంత్  ఒక్కడే  సూపర్ స్టార్  అని దాసరి  వ్యాఖ్యానించడం పరోక్షంగా  చిరంజీవిని  అవమానించడమేనని మెగా స్టార్ అభిమానులు ఆగ్రహం వ్యక్తం  చేశారు.  దీనిపై  చిరంజీవి సోదరుడు నాగేంద్రబాబు , దాసరి తో ఫోన్ లో  మాట్లాడినట్లు తెలుస్తోంది. 

   దాసరి వ్యాఖ్యలు   చిరంజీవిని  ఉద్దేశించి చేసినట్లు తనకేమీ అనిపించలేదని  నాగబాబు అన్నారు.  తన సోదరుడు  స్వీయ ప్రతిభతోనే చిత్రసీమలో   ఉన్నతస్థానానికి  ఎదిగినట్లు  నాగబాబు తెలిపారు.  అన్నయ్యని  అన్నట్లు అనిపించలేదు.  అన్నయ్య ఫిలిం ఇన్ స్టిట్యూట్ కు   అప్లైచేసి , తన సొంతంగా ఎదిగారు.  దాసరి  ప్రస్ర్టేషన్ లో అలా మాట్లాడి ఉండోచ్చు దాన్ని పట్టించుకోవక్కర్లేదు   ఆయనకు ఆ ప్రస్ట్రేషన్  ఎందుకు వచ్చిందో  నాకు  తెలీదు.  అన్నయ్య మీద రాస్తే రాయనియ్యండి. అందరు రాస్తారు చరిత్రలు అని నాగబాబు మెగా అభిమానులకు చెప్పినట్లు తెలుస్తోంది. అయితే ఎన్టీఆర్ తర్వాత స్టార్లు లేరనే దాసరి గారి   వ్యక్తిగత అభిప్రాయంతో  నేను ఏకీభవించను.  కానీ  నేను కూడా కేవీరెడ్డి గారి తర్వాత  దర్శకులే లేరంటే అది నా వ్యక్తిగత అభిప్రాయమవుతుందని  నాగబాబు చాలా సింపుల్ అందరికి  అర్థం అయ్యే విధంగా చెప్పారు. నాగబాబు మాటలకు మెగా అభిమానులు  శాంతించినట్లు తెలుస్తోంది.  దాసరి కూడా చివరకు  చిరంజీవి  నా బిడ్డలాంటివాడు  , మా ఇద్దరి మధ్య గొడవలు  పుట్టడానికి కారణం మీడియాలో రాసే రాతలే కారణం అని ఆయన గొంతు సవరించుకుంటూ.. మీడియా పై దాసరి నిప్పులు కురింపించారు.  ఈ దాసరి వివాదం ఇంతటి ఆగిపోతుందో , లేక ఎక్కడివరకు వెళ్ళుతుందో  చూడాలి.  

   టాలీవుడ్ లో  దాసరి మాటలకు  పుకార్లు షికార్లు చేస్తున్నాయి. దాసరి  చిరంజీవిని , అక్కినేని వారిని టార్గెట్ చేసిన మాట్లాడినట్లు గుసగుసలు వినిపిస్తున్నాయి.  ఏమైనా దాసరి అలా మాట్లాడి ఉండకూడదని సినీ పండితులు అంటున్నారు.  తెలుగుతో  ఎన్టీఆర్  తరువాత స్టార్లు లేరని అనటం ఆయన పెద్దరికాన్ని  కోల్పోతున్నాడనే అనే భావన కలుగుతుంది. తెలుగులో సీని దర్శకుడు అయిన దాసరి వ్యాఖ్యలు  చేసేటప్పడు  టాలీవుడ్ వర్గాలను దుష్టిలో పెట్టుకొని మాట్లాడితే బాగుంటుందని  సినీ పండితులు అంటున్నారు.  ‘‘ పెరటి మొక్క ఇంటి వైద్యానికి పనికిరాదనే’’  సామెతను దాసరి మాటలు గుర్తుచేస్తున్నాయాని .. సినీ రచయితలు  అంటున్నారు. ఈ వయసులో  దాసరి  ఎదిగేవారికి ఆయుధం కావాలి, గానీ  అడ్డం కాకూడదని సినీ పెద్దలు అంటున్నారు. జనరేషన్  మారుతున్న కొద్ది  కొత్త వాటిని ఆహ్వానించక తప్పదని సీనీ ప్రముఖులు అంటున్నారు.  ‘‘మా తాతలు  నేతిని తాగారు.. మా మూతులు వాసన చూడండి’’ అనే   రోజులు కావు అని దాసరి తెలుసుకోవాలని సినీ పండితులు అంటున్నారు. 

Surya Trisha Kanchu Movie

Ram Charan With Hot Charmi

      

                హీరోయిన్ గా అవకాశాలు తగ్గుముఖం పట్టడంతో ముద్దుగుమ్మ చార్మీ ఐటెం సాంగుల వెంట పరుగులు పెడుతున్నట్టు కనిపిస్తుంది. ఇటీవలే 'సక్కూభాయ్ ...గరమ్ చాయ్...' అంటూ 'ఢమరుకం' సినిమాలో హాట్ హాట్ గా సందడి చేసిన చార్మి త్వరలో చరణ్ తో కలిసి చిందేయబోతున్నట్టు వినికిడి. రామ్ చరణ్ హీరోగా వీవీ వినాయక్ రూపొందిస్తున్న భారీ చిత్రం 'నాయక్' లో ఓ ఐటెం పాటలో నటించడానికి చార్మీ అంగీకరించినట్టు తెలుస్తోంది. ఈ ఐటెం సాంగ్ హైదరాబాదులో సెట్స్ లో చిత్రీకరించడానికి ప్లాన్ చేస్తున్నారు.
         చరణ్ డ్యూయల్ రోల్ ప్లే చేస్తున్న నాయక్ చిత్రంలో కాజల్ అగర్వాల్, అమలా పాల్ కథానాయికలుగా నటిస్తున్నారు. జనవరి 9 న ప్రపంచ వ్యాప్తంగా ఈ మూవీ ప్రేక్షకుల ముందుకు రాబోతోంది.

        ఇదిలా ఉంటే,  ఇటీవల 'నాయక్' ఆడియో వేడుకలో రామ్ చరణ్ మాటతీరు, అనంతరం చోటుచేసుకున్న మీడియా వ్యాఖ్యానాలమీద చరణ్ బాబాయ్ నాగబాబు స్పందించారు. చరణ్ వయసులో చాలా చిన్నవాడనీ, అతని ఆవేదనను అర్ధం చేసుకోవాలే గానీ, ఆవేశాన్ని తప్పుపట్టడం భావ్యం కాదని అన్నారు. ఏదేవైనా చరణ్ తొందరపడి మాట్లాడినందుకు అతని తరఫున తాను క్షమాపణ చెబుతున్నానని అన్నారు.

     ఆఖరి మజిలీ :  నిన్న పుస్తకావిష్కరణ సభలో దాసరి చేసిన ప్రసంగం అనంతరం చోటుచేసుకున్న గుసగుసలకు అనూహ్యంగా శుభంకార్డు పడింది. ఎలాగంటే.. దాసరి చేసిన వివాదాస్పద వ్యాఖ్యల గురించి ఓ టీవీ ఛానల్ ఏర్పాటు చేసిన చర్చా కార్యక్రమం నడుస్తుండగా, సదరు చానల్ కి దాసరి ఫోన్ చేశారు. చిరంజీవితో తనకి ఎలాంటి విబేధాలు లేవనీ, తాను చేసిన వ్యాఖ్యలు చిరంజీవిని ఉద్దేశించి కాదని తేల్చిచెప్పటం కొసమెరుపు.
...avnk